Pleser yw cyhoeddi dau gyngerdd ym mis Gorffennaf 2024. Fe fydd cyngerdd yn Llambed ar Orffennaf 5ed mewn cydweithrediad a Chymdeithas Gerdd Llambed. Yna, mewn cydweithrediad a Chymdeithas Gerdd Trefdraeth a Gŵyl Gerdd Abergwaun, cynhelir cyngerdd yn Nhrefdraeth ar Orffennaf 18fed.
Penllanw ein gwaith eleni bydd dau gyngerdd dathlu ar benwythnos Ebrill 5ed a’r 6ed 2025 – y ddau yn Rhosygilwen.
Ar Ddydd Sadwrn Ebrill 5ed am 7yh bydd pump o offerynwyr ifanc yn cystadlu am wobr Cerddor Ifanc Dyfed 2025. Bydd y pump yn perfformio 15 munud o gerddoriaeth i gynulleidfa ac i banel o feirniaid proffesiynol. Bydd y pump yn cael cyfleoedd perfformio pellach, ac fe fydd y buddugol yn rhoi datganiadau yng Ngŵyl Cerdd Cadeirlan Tŷ Ddewi ac yn Musicfest Aberystwyth.
Ar Ddydd Sul Ebrill 6ed am 6yh fe fydd ein cyfansoddwr preswyl Lynne Plowman yn cyflwyno ein hensemble preswyl o offer taro o Gerddorfa Genedlaethol Gymreig y BBC yn perfformio detholiad o’r cyfansoddiadau daeth i law drwy ein cynllun i gyfansoddwyr ifanc.
Fe fydd yn benwythnos cyffrous – ymunwch â ni, a mwynhewch!
Enillydd Cerddor Ifanc 2024 yw’r pianydd Raphael James Mae eisoes wedi rhoi datganiad yng Nghadeirlan Tŷ Ddewi, ac fe fydd yn perfformio fel rhan o ŵyl MusicFest Aberystwyth hefyd