Cyfranogwyr y gorffennol
Annest Davies
Mae Annest Davies, o Mwnt, Gorllewin Cymru yn delynores wobrwyedig ac ar hyn o bryd mae’n astudio gyda’r Athro’r Delyn ryngwladol, Ieuan Jones, yng Ngholeg Cerdd Frenhinol Llundain.
Yn gyn-ddisgybl yn Ysgol y Preseli, dechreuodd Annest ei thaith gerddorol yn 7 oed ar y piano, cyn mynd ymlaen i ddysgu’r delyn yn 10 oed. Yn gyn-ddisgybl y delynores Frenhinol, Claire Jones, mae Annest wedi perfformio mewn lleoliadau disglair yma yn y DU a thramor, naill ai fel aelod o Ensemble Telyn Claire Jones neu fel unawdydd. Ar ddechrau 2022, bu’n rhan o Ensemble a recordiodd eu halbwm cyntaf yn stiwdios byd-enwog Abbey Road.
Mae Annest wedi bod yn llwyddiannus iawn mewn Eisteddfodau a chystadlaethau, gan gynnwys ennill cystadleuaeth Camac Llundain yn 2021 a Gwobr Cerddor Ifanc Davison 2021, lle cafodd y fraint, ar ôl cael ei chyflwyno gyda’i gwobr gan y cyfansoddwr John Rutter, o berfformio yng Nghadeirlan Ely, swydd Rhydychen. Yn Ebrill 2022, dilynodd Annest yn ôl troed nifer o gerddorion llwyddiannus, ac erbyn hyn cerddorion proffesiynol, drwy ennill Gwobr Cerddor Ifanc Dyfed. Mae wedi perfformio unigol yn Eglwys Gadeiriol Tyddewi, Gŵyl Gerdd Aberystwyth, a Gŵyl Gerdd Abergwaun
Yn ddiweddar, cafodd Annest y fraint o berfformio Symffoni Môr Vaughan Williams, gyda Cherddorfa Symffoni’r Coleg fel y prif delynor. Yn y misoedd nesaf, mae Annest yn edrych ymlaen at fwy o gyngherddau ynghyd â rhai cystadlaethau cenedlaethol a rhyngwladol.
Gwenllian Hunting Morris
Mae Gwenllian yn ei ail flwyddyn yn astudio Cerdd yng Ngoleg y Brenin, Llundain. Mae’n cael gwersi telyn yn yr RAM gyda Professor Emerita Skaila Kanga. Yn ogystal â’r delyn mae ganddi ddiddordeb mewn arweinio corawl, yn cyfarwyddo’r King’s College Chorus. Yn ddiweddar buodd yn recordio yn Abbey Road Studios fel rhan o Ensemble Claire Jones. Mae Gwenllian yn mwynhau cyfeilio ac roedd wrth ei fodd yn cyfeilio i’w thad mewn cyngerdd Dewi Sant eleni yn Nhŷ’r Siaradwr yn Senedd San Steffan.
Rhydian Tiddy
Mae Rhydian yn byw yn Llandybie a bu’n ddisgybl yn Ysgol Bro Dinefwr yn Llandeilo cyn mynd ymlaen i astudio Lefel A yn Ysgol Gerdd Chethams, Manceinion. Dechreuodd wersi offerynnol gyda Gwasanaeth Cerdd Sir Gaerfyrddin pan yn 6 oed, ac yna dechreuodd fynychu Adran Iau Coleg Brenhinol Cerdd a Drama Cymru pan yn 13. Mae wedi ennill sawl gwobr mewn Eisteddfodau ac ef oedd Cerddor Ifanc Dyfed 2019. Daeth yn aelod o Gerddorfa Ieuenctid Prydain Fawr pan ond yn 14 (yr aelod ieuengaf ar y pryd) ac aeth ymlaen i fod yn Brif Drombonydd gyda’r gerddorfa. Ym mis Mawrth 2020 cyrhaeddodd Rhydian Ffeinal Categori Pres Cerddor Ifanc y BBC, ac erbyn hyn mae’n fyfyriwr ar ei flwyddyn gyntaf yn yr Academi Cerdd Frenhinol yn Llundain. Ei freuddwyd yw cael gyrfa fel perfformiwr, a’i obaith yn y cyfamser yw mynd ymlaen i astudio ymhellach ar y cyfandir
Anne Denholm
Delynorion
Jenny Doyne
Ffliwtydd
Ruth Elder
Feiolinyddion
Jocelyn Freeman
Pianyddion
Tomi Johnson
Trwmpedwr
Claire Jones
Delynorion
Llywellyn Ifan Jones
Delynores
Sarah Lianne Lewis
Cyfansoddwr
Endaf Morgan
Piano a Tiwba
Paul Rowland
Trombonydd
Aelfwyn Shipton
Feiolinydd a chyfansoddwr
Rhys Taylor
Clarinetydd a Chyfansoddwr
Katie Thomas
Canwr a Chyfansoddwr
Jack Westmore
Cyfansoddwr
Matthew Williams
Trwmpedwr
Emily Wright
Cyfansoddwr