Enillydd Cerddor Ifanc Dyfed 2025 yw’r pianydd Jonah Barker. Bydd yn perfformio fel rhan o Ŵyl Gerdd Eglwys Gadeiriol Tyddewi ar ddydd Mawrth Mai 27, yn ogystal â chymryd rhan yng Ngŵyl MusicFest Aberystwyth. Y cerddorion eraill yn y gystadleuaeth oedd Aldo Breedyk, Jencyn Corp, Ianto Evans, a Catrin Edwards.
DOSBARTHIADAU MEISTR CERDDOR IFANC DYFED
Cynhelir dosbarthiadau meistr 2025-26 ar Sadwrn Tachwedd 1 a Sul Tachwedd 2 yn Rhosygilwen ger Cilgerran. Gallwn ddarparu ar gyfer pob offeryn ar draws y ddau ddiwrnod, ond dylai offerynwyr pres wneud cais am sesiwn ar y Sadwrn, ac offerynwyr llinynnol ar y Sul.
Bydd awyrgylch y dosbarthiadau meistr’ yn gyfeillgar ac anffurfiol. Ni fydd yr arweinyddion yn rhoi cyngor ar dechneg (eich athro offerynnol sy’n gyfrifol am hynny) ond byddant yn hytrach yn canolbwyntio ar eich dehongliad o’r gerddoriaeth a’ch sgiliau perfformio. Y nod yw codi eich hyder wrth berfformio – boed hynny mewn cyngerdd, clyweliad, neu mewn arholiad. Mae’n le i chi dderbyn cyngor gwerthfawr iawn gan gerddorion proffesiynol. . Bydd y dosbarthiadau eleni dan arweiniad Kevin Price gyda Chris Williams a Nancy Johnson gyda Andrew Wilson Dickson.
Dewch ag un darn rydych yn gweithio arno i’r dosbarth meistr – dim fwy na pum munud o hyd. Gall fod yn ddarn unigol, neu’n symudiad/rhan o symudiad allan o waith hirach. Bydd yn help os allwch ddod a chopi ychwanegol gyda chi i’r dosbarth meistr.
Darperir cyfeilyddion ar y dydd, ond gallwch ddod a chyfeilydd eich hun os dymunwch.
Mae galw mawr am lefydd felly rhowch eich cais i mewn yn gynnar. Y cyntaf i’r felin …!
I wneud cais am ddosbarth meistr cwblhewch y ffurflen a’i ddychwelyd at Helen McNabb ar ymmdyfed@gmail.com neu drwy’r post i’r cyfeiriad a nodir. Os oes gennych gwestiwn, cysylltwch â Helen.
Y dyddiad cau am geisiadau yw Dydd Mercher 8 Hydref 2025.
I gymryd rhan yn ein dosbarthiadau meistr dylech fod:
- O dan 19 oed ar Fedi 1af 2025
- Mewn addysg amser llawn neu â chyfeiriad preswyl parhaol yn Sir Gaerfyrddin, Ceredigion neu Sir Benfro
- O safon cyfatebol i Radd 5 neu uwch
Mae’r dosbarthiadau meistr yn rhad ac am ddim i chi, ond nid yw’r gost uchel o’u darparu gyda nifer cynyddol o absenoldebau yn gynaliadwy. Er nad ydym am wneud hyn, rydym wedi penderfynu y byddwn bellach yn gofyn am dâl o £10 i sicrhau eich archeb. Bydd hwn yn cael ei ad-dalu’n llawn wedi i chi fynychu’r dosbarth meistr, neu yn dilyn ymddiheuriad ac esboniad am yr absenoldeb ymlaen llaw.
Gwnewch daliad BACS i Cerddorion Ifanc Dyfed, i God Didoli y Cooperative Bank 08 92 99, rhif cyfrif 65380752.
CYSTADLEUAETH CERDDOR IFANC DYFED
Rydym yn croesawu ceisiadau gan gyfranogwyr y dosbarthiadau meistr ac eraill.
Cynhelir rownd ragbrofol ar Ionawr 24 2026 pan fydd panel yn dewis y 5 a fydd yn paratoi datganiad 15 munud ar gyfer perfformiad/cystadleuaeth gyhoeddus i ddewis Cerddor Ifanc Dyfed.
Y dyddiad cau ar gyfer ceisiadau yw dydd Gwener 5 Rhagfyr 2025
Cynhelir y gystadleuaeth yn Neuadd y Dderwen, Rhosygilwen, Cilgerran ddydd Sadwrn 18 Ebrill 2026.
Yn ogystal â’r gwobrwyon a gynigir, bydd y buddugol yn cael cyfle i berfformio yng Ngŵyl Tŷ Ddewi a Gŵyl MusicFest Aberystwyth.
Yn ogystal â’r gwobrwyon a gynigir, bydd y buddugol yn cael cyfle i berfformio yng Ngŵyl Tŷ Ddewi a Gŵyl MusicFest Aberystwyth.
.